|
Ing tanka makuyad yang poema
menimpun king bansang Japon. Balangkas yang limang linya: 5-7-5-7-7
silaba. Dikil ya keng larawan ning kalikasan (nature image) mikakabaldugan panamdam (emotional message).
Kadalasan ing katlung linya, suglung o talete ya (pivot or bridge) karing mumunang
adwang linya ampo ring adwang tawling linya.
mimosang malagu…
babo maglumut bangku
paninapan ka
papadwasan labi mu
lele lalanging ilug
mimosa my muse
above the moss-ridden bench
am dreaming
fishing your lips
near the drying pond
kaybat
ning uran
pinanaring kikindat
asilip naku
bibilad ke'ing ulunan
besa ning lwa nabengi
after the rain
the peeping rainbow
saw me
sun-drying my pillow
tear-soaked last night
gagad-panayan
kang sumulput king yatu.
tula mituklip…
mariposang pagnasan
kambubulag ya pala
eagerly waiting
the cocoon opens
in vain
my dream butterfly
turns to be a moth
kawewe kwayan
mitatambunan sukal ...
sisipsip ambun
k’ring makutkut kalaldo
ating lalsut a labung
bamboo pole
beneath decaying leaves
seeping moisture
from long buried summers
I see a shoot sprouting
adwang
alino
misapin-metung lapin
libutad jardin
ing dalumdum a lalbag
kukutkut ya king bengi
silhouettes
in communion
at the bamboo garden
the thickening dusk
penetrates the evening
labing malutu
dampul na malalaglag
ena kalupa
tawling bulung king sanga
e pa bisang mabalag
rosy lips
fading in black & white
unlike
the last autumn leaf
clings hard to the bough
nagkas mu wari
king arapan ning pari
ketang kasal ta
pati na sepilyu ku
pakiyalaman mu pa?
our altar vows
of sharing bed and bread
and the toothpaste …
pressed empty by your longings
will you also take my toothbrush?
lawen maratnga
banwang tiktak dalumdum
lonang malwalas
na karin ya migulis
kislap-taram kung laram
behold
the deep ebon sky
a vast canvas
to paint the twinkle
of my little white lie
lintang sinipsip
king daya kung marinat
dakal salamat
mibalik salpantaya
melinis kapilubluban
bitis mapagal
maglakbe anggang bengi
bisa nang muli
king mapaling pilunan
ning indung penibatan
i am
the night traveler
weary & cold
longing back the cradle of home
the warm cuddle of the womb
panintunan ku
ing sarili nung ninu
tulutan muku ...
maglublub king kalamnan
mung dayat maleparan
searching
myself who am i
allow me
to dip down the bosom
of your boundless labyrinth
dayat a malat
s'rili balu ku nepin -
butil kung asin
king malwalas malibutad
at malalam mung pusad pacific ocean
now i know myself
a pinch of salt
dipped amidst your wide
and abysmal bosom
takman me nyaman
makopang bayung agtal
kayaspak abak
maglintugan ya lantung
king dilang dadalusung
manyaman dili
oras ning pamaglakbe
potang sisilim
malino meng asisinag
nukarin ka menibat
most cherished
travel time
at sundown
one clearly recaptures
his native nazareth
ngening kapaskwan
kurap-kurap paritan
kilub ning parul
puput-matda keng dimla
keng ali mu panyatang
‘ning bayung banwa
nung eka parin datang
lakwan ke’ing parul.
king kasumangid dalan
e muku panintunan
lumang tokador
simpanan libung luwa
kakung kaladwaene sana
sagiwa
mesamwak kung palsinta
mirror on the wall
refuge of thousand tears
my inner being
paint me no more
pains of my wounded love
bulung mebaldug
king talagang tayimik
kakung santungan
sugatang kayanakan
sasalikut ning ketwanan
pallid leaves
in the placid pool
my refuge
of wounded chivalries
rotting in captivity
ubas malulut
king jardin mayuyuyut
malapit marayu
katas nang katmu yumu
bawal magus king dila
reddish ripe
my garden grapes
so near yet so far
the forbidden sweet tang
just a tongue-throw away
mewalang Singsing
dimdam keng sasaingsing
kilub ning kaban
papalwal magpumiglas
king Amanung Sisuan
| 
