untitled

                  "BUNGA SASA"  KAPAMPANGAN  POETRY                                                                                                                             POEMANG   MELALANG KING AMANUNG  SISUAN                                                                                                                                                   (Nang Tony Mercado Peña mibait Balen Sasmuan)                                                                                                                                                                                                                                                                                                                                     

KALAMNAN

Homepage*
Ing Sasabyan Da 1
Ing Sasabyan Da 2
Kaul Mung Matalik**
Amanung Sisuan**
Mataram A Laram
Bibingka Nang Kaka**
Sagakgak Ning Akdak
Sinta King Mumunang
Pamikit (Love At First Sight) **
Palapat A Mepatpat*
Simbulu Ning Simboryu
Ing Menatbus
(The Passion of The Christ)
Karing Minuli Na
(An All Saints Day Offering)
Nukarin Ka Munta?
Pamintuan Ing Lub Mu
Angus Ning Gabun*
Balik-Alikabuk*
Tutu Pin Ating Dios?*
Balik-Balen*
Sulsi-Sulsing Isip,
 Tagpi-Tagping Paninap*
Ing Tigri Mepunge Ne Bangis
Pamaglalang II (Regenesis)
Abe, E na Ka Maglumbe
Ninu Y Ninoy?*
Manyawad Tawad*
Abe Eba
Pakibat Kang Papa Osmubal*
Lagyu Ning Bagyu
Sinagiwang Langib
Dipa Ning Alti
Dinugpa Ya Ing Alti
Kawe Ning Lenguaje
Kawewe Lenguaje
Kuwadradung Mabilug
Yatu Ning Anak
Metwang Yatu Ning Anak
Lugud Ning Inda*
Haiku 2
Tanka*
Masyas A Sorbetes*
Itang Kapatad Aeta
Kapampangan Ku
Bulanglang Biyabas
Burung Kapampangan
Coke o Pepsi*
Bulung
Mimosa Pudica**
Amor Seco**
Oras Na Rosa*Ing Tocador
Kakang Barang*
Pamandanas
Limpungat
Pidring Marusing
Kaplas**
Kalingwan Da Naka**
Ngening Meko Naka**
Ing Lupa Nang Kristo
Among Ed Panlilio
King Kekang Panyambut
Taluntun Ning Bie
Ing Pengari King Anak
Mibalik Ka Kaku
Dalit Ding Anak Pawas
The Purpose Driven Pen


*with embedded  
   music

**with embedded  
    voice




     Ngening Meko Naka     

         

marimla ing sibul ning angin
manyaliksik, magsumiksik
angga karing sepu’t yamut
ning kakung panalangin….


na sana e muku lalakwan
dapot bitis kung meniklaud
e parin migsilbing minagwanta
king kekang pamaglako.


ngening meko naka
e daka tangisan
ining mitagan sikanan
karing takde kung manangle
panikwanan kung kumulkul
metung malwalas a kutkutan.


yang maging karinan
ning pamangalingwan
karin ko idatuk masuksuk
tambunan malalam gabun ...


ding langib ning napun
e na sinagiwang pasibayu
ding mélanging patak luwa
e milamnan timan kapilanman
ding mepiping siguk  
nagtal ning pangulila.


ding apis linislis ning lablab
meging aplus ginalus ning dimla
ding bining amorseco
e na medilig ambun ulap
ding pira-pirasung paninap
e na mibayit kapilan pa man.


 pekamalalam dili kung ikutkut
ya’ing mapait at mabye katutwan
makaladlad king sulat mung likwan
king babo kung ulunan
matimid at daretsanan
sinabi mung aliwa aku
ing sinta mung liguran
manibat pa king ibat.


mipakanyan man
aliwa ku panamdaman
na ing tune sangkan
ning kekang pamaglakwan
asilip ku, makasalikut
king sinabi mung katutwan
yapin ing emu agyung pibatan
magkera king lande kwayan
ning bale kung tibwan. 

dakal a salamat keka
king makuyad a panaun
pekapalyan ing pagkeran
kung lande kwayan
e na bali
nung ninu ing migkamali
ketang sinaguling pali
nung ika ing melunus
nung aku ing migpalimus!



           

 
 

   nombresin@digitelone.com
 
            Copyright © 2006. All rights reserved.
Revised: 08/14/06

Visit my Poetry In English website: http://www.angelfire.com/poetry/nombresin/index.htm   

 
 

 


Web Hosting · Blog · Guestbooks · Message Forums · Mailing Lists
Allwebco Web Templates · Build your own toolbar · Financial Data · Audio, Fonts, Clipart
powered by a free webtools company bravenet.com