"BUNGA SASA"
KAPAMPANGAN
POETRY
POEMANG MELALANG KING AMANUNG SISUAN
(Nang Tony Mercado Peña mibait Balen Sasmuan)
|
|
|
"BUNGA SASA"
KAPAMPANGAN
POETRY
POEMANG MELALANG KING AMANUNG SISUAN (Nang Tony Mercado Peña mibait Balen Sasmuan) |
|
King Kekang Panyambut |
 ining Anak
karpinteru maranun neng likwan
ing bubungan na ning bale king balen nang tibwan megaral, mengaral mangalalam a kabyasnan pekipatas karing pantas ing Tune Kaharyan oyni ing taung-Ginu, kekatamu menatbus!
guyud-guyud neng paukyat ing Krus mitmung bayat
king pago linto laman, katawang butul-balat king burul ning Golgota, king dalan bikwal-bikwal "Babae, lon meng Anak mu!" ngana king Indung mal oyni ing taung-Ginu, kekatamu menatbus! ding libu-libung sugat, pematbat pemangalus ing bugtung akdak tandus lalam pusu tinaglus koronang suksuk aroma king bikal binugkus ing dayang minagus king lupa nang makalunus oyni ing taung-Ginu, kekatamu menatbus! gatpanapung malulam mepaklud ya inawa maung gabun sinalud, ninum ing uran-kalma nalduk na ing siguk da ring malimum kaladwa kaybat mukyat neng muli datang na'ing bayung banwa oyni ing Apung Ginu, kekatamu menatbus!
|
Malyari kayu pung sumulat kanaku kening
makatuking e-mail address:
|