• Web Hosting
• Guestbooks
• Hit Counter
• Forums
• Blogs
• Mailing List
• Free Web Hosting

              "BUNGA SASA"  KAPAMPANGAN  POETRY                                                          
                                                    POESYANG  MELALANG  KING  AMANUNG  SISUAN                                                                       
                                                             (Nang Tony Mercado Peña mibait Balen Sasmuan)                                                                                                                                                                                                                                                                                                                                       

 KALAMNAN  

Homepage*
Ing Sasabyan Da 1
Ing Sasabyan Da 2
Kaul Mung Matalik**
Amanung Sisuan**
Mataram A Laram
Bibingka Nang Kaka**
Sagakgak Ning Akdak
Sinta King Mumunang
Pamikit (Love At First Sight) **
Palapat A Mepatpat*
Simbulu Ning Simboryu
Ing Menatbus
(The Passion of The Christ)
Karing Minuli Na
(An All Saints Day Offering)
Nukarin Ka Munta?
Pamintuan Ing Lub Mu
Angus Ning Gabun*
Balik-Alikabuk*
Tutu Pin Ating Dios?*
Balik-Balen*
Sulsi-Sulsing Isip,
 Tagpi-Tagping Paninap*
Ing Tigri Mepunge Ne Bangis
Pamaglalang II (Regenesis)
Abe, E na Ka Maglumbe
Ninu Y Ninoy?*
Manyawad Tawad*
Abe Eba
Pakibat Kang Papa Osmubal*
Lagyu Ning Bagyu
Sinagiwang Langib
Dipa Ning Alti
Dinugpa Ya Ing Alti
Kawe Ning Lenguaje
Kawewe Lenguaje
Kuwadradung Mabilug
Yatu Ning Anak
Metwang Yatu Ning Anak
Lugud Ning Inda*
Haiku 2
Tanka*
Masyas A Sorbetes*
Itang Kapatad Aeta
Kapampangan Ku
Bulanglang Biyabas
Burung Kapampangan
Coke o Pepsi*
Bulung
Mimosa Pudica**
Amor Seco**
Oras Na Rosa*Ing Tocador
Kakang Barang*
Pamandanas
Limpungat
Pidring Marusing
Kaplas**
Kalingwan Da Naka**
Ngening Meko Naka**

Ing Lupa Nang Kristo
Among Ed Panlilio
King Kekang Panyambut
Taluntun Ning Bie
Ing Pengari King Anak
Mibalik Ka Kaku

Dalit Ding Anak Pawas
The Purpose Driven Pen

*with embedded  
   music

**with embedded  
   music & voice

Kalingwan Da Naka

         

napun …
lume kang nagud lawe
umpisa king sepu ning bitis
angga king sepu ning buwak
makakalale, alang kangye
maski ining duldul ning salu
ing saldak na malumene!


sinitsit yang migpumilit
pepasapupu ing lisangan
ning makabang gatpanapun
sinalilung king kandungan
ning manaplus mung timan!

e binang miglambat
bayu ya melabal ing silim
uyung nang Kupidu
inaptas no't sinintas
ding mikalugud tang pusu!

ngeni …
kasaguli, bilis kislap-kurap
mababating ka king kakung arapan mamapun ne ing napun
matudtud ne ing bengi
malalagas no talulut
ding sampagang kampuput
mapapayus no paswit
ding denas king jardin
malalam na kati ing danum
misasalbag na ing dulum!

bukas …
tagusgus ing masikan a uran
magsadya kung salubungnan
ing mamalimpuyung agus
kanita wasan malinis ing bakas
ning kekang merimlang kaul
ding galus ning kekang aplus!


kaybat …
sabe kung magpatiyanud
kusang malugud malumud
muli karin king dayat-malat
king malwalas nang sapupunan
yang matayimik kung santungan!