"BUNGA SASA"  KAPAMPANGAN  POETRY                                                          
                                                    POESYANG  MELALANG  KING  AMANUNG  SISUAN                                                                       
                                                             (Nang Tony Mercado Peña mibait Balen Sasmuan)                                                                                                                                                                                                                                                                                                                                         

 KALAMNAN  
Homepage
Ing Sasabyan Da 1
Ing Sasabyan Da 2
Kaul Mung Matalik*
Amanung Sisuan
Mataram A Laram
Bibingka Nang Kaka*
Sagakgak Ning Akdak
Sinta King Mumunang
Pamikit (Love At First Sight) *
Palapat A Mepatpat*
Simbulu Ning Simboryu
Ing Menatbus
(The Passion of The Christ)
Karing Minuli Na
(An All Saints Day Offering)
Nukarin Ka Munta?
Pamintuan Ing Lub Mu
Angus Ning Gabun*
Balik-Alikabuk*
Tutu Pin Ating Dios?*
Balik-Balen*
Sulsi-Sulsing Isip,
 Tagpi-Tagping Paninap*
Ing Tigri Mepunge Ne Bangis
Pamaglalang II (Regenesis)
Abe, E na Ka Maglumbe
Ninu Y Ninoy?*
Manyawad Tawad*
Abe Eba
Pakibat Kang Papa Osmubal*
Lagyu Ning Bagyu
Sinagiwang Langib
Dipa Ning Alti
Dinugpa Ya Ing Alti
Kawe Ning Lenguaje
Kawewe Lenguaje
Kuwadradung Mabilug
Yatu Ning Anak
Metwang Yatu Ning Anak
Lugud Ning Inda*
Haiku 2
Tanka*
Masyas A Sorbetes*
Itang Kapatad Aeta
Kapampangan Ku
Bulanglang Biyabas
Burung Kapampangan
Coke o Pepsi*
Bulung
Mimosa Pudica*
Amor Seco**
Oras Na Rosa*
Ing Tocador
Kakang Barang*
Pamandanas
Limpungat
Pidring Marusing
Kaplas**
Kalingwan Da Naka**
Ngening Meko Naka**

Among Ed Panlilio
King Kekang Panyambut
Taluntun Ning Bie
Ing Pengari King Anak
Mibalik Ka Kaku
Dalit Ding Anak Pawas
The Purpose Driven Pen

*with embedded
    music

**with embedded  
    voice & music

ING LUPA NANG KRISTO

                  

        aligaga yang matudtud malalam
                    ing meto libutan, alang mekaramdam
                    king panyatang ning pungul a malam.

mibayit ya king mababang sabsaban
libutad benging alang kalisalisangan
kayantabe ring tupat’t bakang pastulan.

marakal a kalaldo linabas misapwak
meragul yang miglakad makatapak
karing dalan makiput matipak.

Kinaul nala ring maluka
Ring pile apalakad nala
Ing bulag menakit ya
Sinabi la ring pipi bigla
Taung maklak aparandam nala
Oyni i Kristo nuan ya karing sabla!

sinlag yang tala
katmu king sala
ding tau makatalanga!

ding poderoso
ilang mengasilo
ilang mengabulag
king linto a maslag!

migit ing tinggap nang kaplas
sapinit ibat king dila ning tao
kesa king laslas kablas
hagupit ning latigo!

king katawan butul-balat
abang guyud-guyud paukyat
ing Krus mitmung bayat!

pupusanan nang misanan
ning Menatbus ing kasalanan
king meto kalalangan!
 
king matas a banwa
mukyat ya i Kristo
lukluk dane wanan ning Ibpa!
 
keti king sulip
malakwan ya i Alisto
kupkup na pulseras at ginto
maklak ya king tagulele
ning keyang siping bale
bulag ya king laganap a danup
tenam na padurut nang sakup!

 

_{Kabaldugan:
ALISTO = ALang krISTO, ALa yu i krISTO}