• Web Hosting
• Guestbooks
• Hit Counter
• Forums
• Blogs
• Mailing List
• Free Web Hosting

              "BUNGA SASA"  KAPAMPANGAN  POETRY                                                           
                                                    POESYANG  MELALANG  KING  AMANUNG  SISUAN                                                                        
                                                             (Nang Tony Mercado Peña mibait Balen Sasmuan)                                                                                                                                                                                                                                                                                                                                          

 KALAMNAN  

Homepage
Ing Sasabyan Da 1
Ing Sasabyan Da 2
Kaul Mung Matalik*
Amanung Sisuan
Mataram A Laram
Bibingka Nang Kaka*
Sagakgak Ning Akdak
Sinta King Mumunang
Pamikit (Love At First Sight) *
Palapat A Mepatpat*
Simbulu Ning Simboryu
Ing Menatbus
(The Passion of The Christ)
Karing Minuli Na
(An All Saints Day Offering)
Nukarin Ka Munta?
Pamintuan Ing Lub Mu
Angus Ning Gabun*
Balik-Alikabuk*
Tutu Pin Ating Dios?*
Balik-Balen*
Sulsi-Sulsing Isip,
 Tagpi-Tagping Paninap*
Ing Tigri Mepunge Ne Bangis
Pamaglalang II (Regenesis)
Abe, E na Ka Maglumbe
Ninu Y Ninoy?*
Manyawad Tawad*
Abe Eba
Pakibat Kang Papa Osmubal*
Lagyu Ning Bagyu
Sinagiwang Langib
Dipa Ning Alti
Dinugpa Ya Ing Alti
Kawe Ning Lenguaje
Kawewe Lenguaje
Kuwadradung Mabilug
Yatu Ning Anak
Metwang Yatu Ning Anak
Lugud Ning Inda*
Haiku 2
Tanka*
Masyas A Sorbetes*
Itang Kapatad Aeta
Kapampangan Ku
Bulanglang Biyabas
Burung Kapampangan
Coke o Pepsi*
Bulung
Mimosa Pudica*
Amor Seco*
Oras Na Rosa*Ing Tocador
Kakang Barang*
Pamandanas
Limpungat
Pidring Marusing
Kaplas**
Kalingwan Da Naka**
Ngening Meko Naka**
Ing Lupa Nang Kristo
Among Ed Panlilio

*with embedded  
   music

**with embedded  
    voice

     Bulung  
                 (vers libre)            

tinggal tunggal
telangan tengalan
alang kapatad-patad
aldo't benging mengalagas
malambat nang mitabugan ambun!

 
kaybat alang kapamun-pamun
tebiling banayad ing maskup
at maluwat nang kawat king
sangang keya masinup kinupkup
king napun nang meyampun!

 
miduyan-duyan yang
inatad labul ning angin
menibat ulap babo
angga lalam impun
mau king uma
e ya mipakaling gagagad
manenaya king mapaling
kaul ning gabung ibatan!

 
uling karin ya magpiyak
at magkerang tayimik
balabalan ne't dasayan
ing malwalas a kandungan
anggang manusbung pasibayu
ing menabung abung bulung!

Dagdag Belwan:

Ining poemang misulat balangkas yang vers libre (free verse).
E ne tinuklung sukad at wakas rima (end rhyme) nune kilub rima (internal rhyme) la ring babye pansin.

 Awsan talang "assonance" ding kilub rimang "vowel sounds" o
babaing rima.  Deta namang "consonance" ilapin ding kilub rimang "consonant sounds" o lalaking rima.

Ing dagdag legwan na ning poema atyu ketang sonatang mararamdam abang iyapse la ring linya.

(Makaparikil ya ining "Bulung" karing balang Kabalen atyu king diaspora na ing pipunpunan na yapin ing Indung Kapampangan at datang ing panaun muli yang pasibayu king kandungan ning Balen Tibwan!)

Malyari kayu pung sumulat kanaku kening makatuking e-mail address:
   nombresin@digitelone.com
 

            Copyright © 2005. All rights reserved.
Revised: 08/27/05

Visit my Poetry In English website: http://www.angelfire.com/poetry/nombresin/index.htm